TRESI

(Puisi Dengan Dialeg Lembata)

foto by Google

Tresi...

Mungkin engko te sadar

Kalu cahaya bulan

Te mau datang temani malam

Ina Tresi e..

Engko tau ka tida ina?

Engko pasti kira ini bulan gelap to? 

Tapi tida le ina...

Itu semua gara-gara enko ka

Redup renyah cahaya bulan

Enko tarek ba masuk ke engko pu mata

Mitaaaaa... tresi...?

Kekuatan alam saja enko ambe kas habis

Apalagi saya?

Sa lema memang o...

Engko pu mata tu betul

Buat sa lema memang oooo..

Hemmmm....ina

Ini bukan sa akal engko e,

Sa bilang ni benar-benar ni ka

Abis mo bagimana? 

tiap kali sa dekat engko

Engko pu sinar mata tu 

Sa rasa teduh

Buat sa betah berlama-lama

Teduhhhhh... sekali le 

Itu yang buat sa lupa 

Ina tresi... serius, ini benar

Benar...

Engko bua sa lupa untuk pulang tidur

Tresi sayang e...

Sa ingin tidur di enko pu mata

Bukan untuk malam ini saja

Tapi untuk seterusnya ina

Tresi e...

Engko memang sa pu bulan purnama 

Yang selalu panggil sa pu rindu 

Iya.. Rindu yang bawa sa datang

Dekat engko

Di sekitar engko pu bola mata

Biar sa menjadi orang pertama

Yang terkena bias cahaya engko pu bola mata

Tresi...

 Engko kenapa e..?

Jo Engko tu Tuhan buat pake apa e?

Maka setiap hari sa ingat engko terus?

Jo sa rasa macam bagimana ka...?

Tresi..

Jadi Ina e.. engko dengar bae-bae e..

Sa mo kas tau engko bilang

Sa suka engko. 

Jo, engko jangan tanya sa pu alasan e

Karena sa suka engko tu te ada alasan

Iya.. Tresi

Sa pu nenek bilang

Cinta tanpa alasan

Biar tiap hari sa cari-cari alasan

Maksudnya, alasan untuk cinta engko

Alasan untuk suka enko

Begitu tu, supaya selalu dekat engko ka ina..

Tresi... 

Jadi sa ulang lagi e

Sa suka enko

Sa sayang enko

Sudah..itu saja...

YOGI MAKING-LELAKI KAMPUNG

Wangatoa, 15/10/2018